விநாயகர் பஜனை

1. கணபதி ஓம் ஜய கணபதி ஓம்
கஜமுக ஐங்கர கணபதி ஓம்
குணபதி யாம்சிவ கணபதி ஓம்
குண்டலி மண்டல கணபதி ஓம் (கணபதி ஓம்)

மூசிக வாகன கணபதி ஓம்
மூலக் பிரவாகன கணபதி ஓம்
மாசுர தேசித கணபதி ஓம்
வல்லப மோகன கணபதி ஓம் (கணபதி ஓம்)

விக்ன விநாயக கணபதி ஓம்
விகசிக நதமுக கணபதி ஓம்
உத்ர தபகோபால கணபதி ஓம்
உத்துவ நாதன கணபதி ஓம் (கணபதி ஓம்)

கணபதி ஓம் ஜய கணபதி ஓம்
பார்வதி பாரத கணபதி ஓம்
பரம சிவஞான கணபதி ஓம்
பூர்ண சிராதர கணபதி ஓம் (கணபதி ஓம்)

பூவண புரன்தர கணபதி ஓம்
சுந்தர சதாசிவ கணபதி ஓம்
நெத்திய நந்துவ கணபதி ஓம்
நிர்மல சிந்தய கணபதி ஓம் (கணபதி ஓம்)

2. ஐந்து கரத்தனை ஆனைமுகத்தனை
இந்தின் இளம்பிறை போலும் எயிற்றனை
நந்தி மகன்றனை ஞானக் கொழுந்தினை
புந்தியில் வைத்தடி போற்றுகின்றோமே.

3. பிடியத னுருகுமை கொளமிகு கரியது
வடிகொடு தனதடி வழிபடு மவரிடர்
கடிகண பதிவர அருளினன் மிகுகொடை
வடிவினற் பயில்வலி வலமுறை இறையே.

4. பிள்ளையார் பிள்ளையார் பெருமைவாய்ந்த பிள்ளையார்
பிள்ளையார் பிள்ளையார் எம்மைக் காக்கும் பிள்ளையார்
ஆற்றங்கரை மீதிலே அரசமர நிழலிலே
வீற்றிருக்கும் பிள்ளையார் வினைகள் தீர்க்கும் பிள்ளையார்
ஆனைமுகம் கொண்டவர் ஐந்த கரங்கள் உடையவர்
பானைவயிறு படைத்தவர் பக்தர்குறை தீர்ப்பவர்
பொன்னினாலே செய்யினும் மண்ணினாலே செய்யினும்
ஐந்தெழுத்து மர்திரத்தை நெஞ்சில் நாட்டும் பிள்ளையார்
ஆறுமுக வேலனுக்கு அண்ணனான பிள்ளையார்
நேரும் துன்பம் யாவையும் நீக்கிவைக்கும் பிள்ளையார்
கலியுகத்தில் விந்தையைக் காணவேண்டி அனுதினம்
எலியின்மீது ஏறியே இஸ்டம்போல சுற்றுவார்
பாடிப்புகழும் பக்தரின்; பாவம் போக்கும் பிள்ளையார்
கூடிப்பாடும் தொண்டரின் குறைகள் தீர்க்கும் பிள்ளையார்
ஜெயகணேச ஜெயகணேச ஜெயகணேச பாகிமாம்
ஸ்ரீகணேச ஸ்ரீகணேச ஸ்ரீகணேச ரச்சமாம்.

5. தொந்திக் கணபதி வா வா வா
வந்தேன் ஒருவரம் தா தா தா
கந்தனின் அண்ணா வா வா வா
கனிவுடன் ஒருவரம் தா தா தா
ஆனை முகத்துடன் வா வா வா
அவசியம் ஒருவரம் தா தா தா
பானை வயிற்றுடன் வா வா வா
பரிவுடன் ஒருவரம் தா தா தா
எல்லாம் அறிந்த கணபதியே
எவ்வரம் கேட்பேன் தெரயாதோ
நல்லவன் என்னும் ஒருபேரை
நான்பெற நீவரம் தா தா தா.

6. தேங்காய் மோதகம் கொழுக்கட்டை
பாங்காய்ப் பலவும் படைத்திடுவோம்
பாடிப் பரவிப் பணிகின்றோம்
நாடிய வரங்களைத் தருவாயே.

முருகன் பஜனை

1. முருகனே செந்தில் முதல்வனே மாயோன்
மருகனே ஈசன் மகனே – ஒருகைமுகன்
தம்பியே நின்னுடைய தண்டைக்கால் எப்பொழுதும்
நம்பியே கைதொழுவேன் யான்.

2. உன்னையொழிய ஒருவரையும் நம்புகிலேன்
பின்னை யொருவரையும் பின் செல்கேன்
தம்பியே நின்னுடைய தண்டைக்கால் எப்பொழுதும்
நம்பியே கைதொழுவேன் யான்.

3. மூவிரு முகங்கள் போற்றி
முகம்பொருள் கருணை போற்றி
ஏவரும் துதிக்க நின்ற
ஈராறு தோள்கள் போற்றி
காஞ்சிமாவடி வைகும் செவ்வேள்
மலரடி போற்றி அன்னான்
சேவலும் மயிலும் போற்றி
திருக்கைவேல் போற்றி போற்றி.

4. அன்பருக்கு அன்பனே நீ வா வா முருகா
ஆறுபடை வீடுடையாய் வா வா முருகா
இன்பமய சோதியே நீ வா வா முருகா
ஈசனுமை பாலகனே வா வா முருகா
உரக நாபன் மருகனே வா வா முருகா
ஊமைக்கருள் புரிந்தவனே வா வா முருகா
எட்டுக்;குடி வேலவாநீ வா வா முருகா
ஏறுமயில் ஏறியே நீ வா வா முருகா
ஐங்கரனுக் கிளையவனே வா வா முருகா
ஆறுமுக வேலவனே வா வா முருகா
ஒய்யாரி வள்ளிலோலா வா வா முருகா
ஓங்காரத் தத்துவமே வா வா முருகா
ஒளவைக்குப தேசித்தவா வா வா முருகா
அகில லோக நாயகனே வா வா முருகா
ஓடிவாநீ ஓடிவா ஓடிவாநீ வா வா முருகா

5. அரகரோகரா சுவாமி அரகரோகரா
அரகரோகரா சுவாமி அரகரோகரா
கதிர்காம வேலனுக்கு அரகரோகரா
கந்தப்ப சுவாமிக்கு அரகரோகரா
திருப்பரங்கிரித் தீரனுக்கு அரகரோகரா
திருப்பழனிச் செல்வனுக்கு அரகரோகரா
திருவேரகப் பாலனுக்கு அரகரோகரா
குன்றிலாடும் குமரனுக்கு அரகரோகரா
குஞ்சரிதன் கணவனுக்கு அரகரோகரா
குறவள்ளி காந்தனுக்கு அரகரோகரா
குணங்கடந்த வேலனுக்கு அரகரோகரா
சோலைமலைக் கிழவனுக்கு அரகரோகரா
சொகுசுக்கார முருகனுக்கு அரகரோகரா
சிவசக்தி வடிவனுக்கு அரகரோகரா
சிங்கார வேலனுக்கு அரகரோகரா
அகங்கார நாசருக்கு அரகரோகரா
அன்பர்களின் நேயனுக்கு அரகரோகரா
எட்டுக்குடி எந்தைக்கு அரகரோகரா
எங்கும் நிறை இறைவனுக்;;;கு அரகரோகரா (அரகரோகரா)

6. வேல்முருகா மால்மருகா வாவா சண்முகா
கால்பிடித்தோம் காத்தருள வா வா சண்முகா
நால்வேதப் பொருளான நாதா சண்முகா
நல்லதெல்லாம் உன்பால்கொண்டாய் நாதா சண்முகா
செல்லமாகச் சிவையணைக்கும் சேயே சண்முகா
செங்கதிர்வேல் தாங்கிய என் தேவா சண்முகா
நாறுமாலை அணிமார்பா நாயகா சண்முகா
நாதவிந்து கலாதீத நாயகா சண்முகா
ஆடுமயில் வாகனனே வா வா சண்முகா
பாடும்பணி தந்திடுவாய் பண்டிதா சண்முகா
வீடுநாமம் நின்திருதாள் வேண்டினேன் சண்முகா
வீரன் சூரன் உடல்கிழித்த வேலனே சண்முகா
ஆனந்தனே அற்புதனே வா வா சண்முகா
அடியார் உள்ளக் குகையமர்ந்த ஆண்டவா சண்முகா
தேறுதலைத் தருபவனே தேவா சண்முகா
சிங்கார ஓங்காரச் சீலனே சண்முகா
தில்லையிலே ஆடுந்தேவி பாலகா சண்முகா
எல்லையில்லா அற்புதங்கள் கொண்டவா சண்முகா
தொல்லையெல்லாம் கண்டபதம் தந்திடாய் சண்முகா
தோத்தரித்தோம் எங்கள்முன்னேவந்திடாய் சண்முனா
கல்லையொத்த மனமுருகக் கருணைசெய் சண்முகா
கலீரெனச் சிலம்பொலிக்க ஓடிவா சண்முகா
ஓடிவாநீ ஓடிவாநீ ஓடிவாநீ சண்முகா
ஆடிவாநீ ஆடிவாநீ ஆடிவாநீ சண்முகா

7. முருகா முருகா முருகா முருகா அரகரோகரா
முருகா முருகா திருமால் மருகா அரகரோகரா
வடிவேல் அழகா மயில்வாகனனே அரகரோகரா
வந்தெமை யாள்வாய் வடிவேல் முருகா அரகரோகரா
வடிவேல் முருகா வேல் வேல் முருகா அரகரோகரா
வேல் வேல் முருகா வெற்றிவேல் முருகா அரகரோகரா
ஞானவேல் முருகா சக்திவேல் முருகா அரகரோகரா
சக்திவேல் முருகா ஐயா முருகா அரகரோகரா
அரகர முருகா சிவசிவ முருகா அரகரோகரா
சிவசிவ முருகா ஜெயசிவமுருகா அரகரோகரா

8. சரணம் சரணம் முருகையா
சரவணபவனே முருகையா
வேளூர் வளரும் முருகையா
வேண்டுவ தருள்வாய் முருகையா
அறிவைத் தருவாய் முருகையா
ஆறுதல் தருவாய் முருகையா
இன்பம் தருவாய் முருகையா
இன்னல் தீர்ப்பாய் முருகையா
ஈசன் மகனே முருகையா
ஈடேற வைப்பாய் முருகையா
உண்மைத் தெய்வம் முருகையா
உயர்வைத் தருவாய் முருகையா
சேவற் கொடியாய் முருகையா
சேயெனைக் காப்பாய் முருகையா
வழியைச் சொல்வாய் முருகையா
வாழ்வைத் தருவாய் முருகையா

9. கந்தா முருகா வழிகாட்டு
உன் கருணைக் கண்ணால் பழியோட்டு
செந்தேன் போலே மொழி ஊட்டு
இச் சேய்மொழி கேட்டுன் அருள்கூட்டு
வேலைப் பிடித்திடர் செய்பவனே
வெறுப்பிலா தருள் செய்பவனே
காலைப் பிடித்தழத் தேடுகிறேன்
அதைக் காணாமல் நெஞ்சம் வாடுகின்றேன்
அன்னையும் தந்தையும் நீதானே
ஆதரிப்பாய் என்று வந்தேனே
பொன்னையும் பொருளையும் கேட்கவில்லை
பூவிழி திறந்தேன் பார்க்கவில்லை
குன்றுகள் தோறும் கோயில் கொண்டாய்
அன்பினால் சரனின் மாயை வென்றாய்
என்றுகல் நெஞ்சத்துள் கோயில் கொண்டாய்
இப்புவி வாழ்வெனும் மாயை வெல்வாய்
எல்லாம் உனது நாடகமோ
இங்கு யாரறிவார் அதன் காரணமே
வல்லான் உனக்கோர் இணையில்லை
வாழ்வினில் பிறிதோர் துணையில்லை.

10. கதிர்காமக் கந்தனே வா வா முருகா
காலர் காலன் பாலனே வா வா முருகா
சதிராடும் முருகோனே வா வா முருகா
சங்கீதப் பிரியனே வா வா முருகா. (கதிர்காமக்)

சொல்லுக்குச் சொல்லினுக்கும் முருகையா
உந்தன் சுந்தர நாமகீதம் முருகையா
அல்லும் பகலும் சொல்வேன் முருகையா
என்னை ஆள்பவன் நீயல்லவோ முருகையா (கதிர்காமக்)

வேத வேதாந்த ரூபா முருகையா
உன்தன் வேலும் மயிலும் துணை முருகையா
பாத மலர்க் கடிமை முருகையா
என்னைப் பக்தனாய்ப் பாடவைப்பாய் முருகையா (கதிர்காமக்)

எண்சாண் உடம்பினுள்ளே முருகையா
என்னில் எத்தனை எண்ணம் வைத்தாய் முருகையா
பண்ணுடன் பாடவேண்டும் முருகையா
பாவங்கள் தொலைய வேண்டும் முருகையா (கதிர்காமக்)

அகந்தையை மாற்றி நெஞ்சில் முருகையா
நீ அன்புடன் தங்கவேண்டும் முருகையா
முகமதனைக் காட்டிடுவாய் முருகையா
உன்னை மக்காலும் நம்பினேன் முருகையா (கதிர்காமக்)

11. குருநாதன் என்பவனைக் கும்பிடுவோமே – அந்த
கூத்தாடி சிவன்மகனை நம்பிடுவோமே
ஒருநாதன் அவனோடு ஒன்றிடுவோமே – இந்த
உலகெங்கும் அவன் வடிவம் என்றிடுவோமே (குருநாதன்)

இடர் முகத்தில் நாமழைத்தால் வந்திடுவானே – ஏன்
ஏனென்று கேட்பதற்கு முந்திடுவானே
சுடர் முகத்தில் புன்னகையைச் சிந்திடுவானே -நமக்குச்
சொல்லிய சுகமனைத்தும் தந்திடுவானே. (குருநாதன்)

காசுபணம் பெருகிவரச் செய்திடுவானே
கவலையெல்லாம் ஒருநொடியில் கொய்திடுவானே
மாசகல அருள்மழையைப் பெய்திடுவானே
வாசலிலே அவன் நினைவை நெய்திடுவானே. (குருநாதன்)

பக்தரெல்லாம் கூடிவந்து கூடிடுவோமே-நல்ல
பணிணசைக்குத் தாளம் கொட்டி ஆடிடுவோமே
முத்தியெல்லாம் தருபவனை நாடிடுவோமே
முத்தமிழில் அவன் பெருமை பாடிடுவோமே. (குருநாதன்)

12. நீலமயிலேறும் கோலமுருகனை
நித்தம் பணிந்திட வாருங்கடி
காலகால னெந்தை ஆலமுண்டர் கொஞ்சும்
கந்தனைப் பாடிட வாருங்கடி
சூலி சிவகாமி தாலி முத்தமிடும்
சுந்தர பாலனைப் பாடுங்கடி
காலில் சிலம்பொலி கலகலவெனவரும்
கந்தன் அழகினைப் பாருங்கடி (நீலமயி..)

சின்ன முனிவர்க்குச் செந்தமிழ் அமுதை
அன்புடன் பருகத் தந்தவண்டி
வண்ண மயிலேறும் வள்ளலை வாழ்த்தினால்
வந்தின்பம் தருவான் பாருங்கடி
வேலுடன் வந்தன்பர் வேதனை தீர்த்தின்பம்
வேண்ட வேண்டத் தரும் மெய்யனடி
நாலு வேதப்பொருள் ஆறு சமயத்து
நாயகன் எம்முயர் ஐயனடி. (நீலமயி..)

ஓலமிட்டதரர் காலனூர் புக்கிட
ஒய்யாரப் போர்செய்யும் வீரனடி
சீலமெல்லாம் தந்து தேவர்கள் நாட்டிற்கு
சேனாபதியான தீரனடி
கால நிலைகளைக் கருதா வன்பர்க்கு
கருணை பொழியுங் கந்தனடி
பால வடிவனென் பதி கதிர்காமன்
பக்தர்களுக் கென்றும் சொந்தனடி. (நீலமயி..)

13. குமரமலை வீற்றிருக்கும் எங்கள் குலதெய்வம் -தேவ
குஞ்சரியை மணமுடித்த எங்கள் குலதெய்வம்
அரவணையில் வந்துதித்த எங்கள் குலதெய்வம் -சிவ
சண்முகமாய் வந்துதித்த எங்கள் குலதெய்வம்
பழனிமலை வீற்றிருக்கும் எங்கள் குலதெய்வம் -சிவ
பக்தர்களைக் காத்தருளும் எங்கள் குலதெய்வம்
பண்டாரம் போலிருக்கும் எங்கள் குலதெய்வம்
பச்சைமயில் ஏறிவரும் எங்கள் குலதெய்வம்
ஆண்டிவேடம் போட்டிருக்கும் எங்கள் குலதெய்வம்
அண்டினோரை ஆதரிக்கும் எங்கள் குலதெய்வம்
(குமரமலை..)

வேலாயுதந் தரித்த எங்கள் குலதெய்வம்
வேல்முருக நாமம்கொண்ட எங்கள் குலதெய்வம்
தண்டாயுதம் தரித்த எங்கள் குலதெய்வம்
தண்டபாணிப் பெயருடைய எங்கள் குலதெய்வம்
வீபூதி தரித்திரக்கும் எங்கள் குலதெய்வம்
வீறுமயில் எறிவரும் எங்கள் குலதெய்வம்
ஆறுமுகமான பொருள் எங்கள்குல தெய்வம்
ஆறுபடை வீடுடைய எங்கள் குலதெய்வம்
சிவனார்க்கு உபதேசித்த எங்கள் குலதெய்வம்
சுப்ரமண்யப் பெயருடைய எங்கள் குலதெய்வம்
(குமரமலை..)

14. அஞ்சு முகம் தோன்றில் ஆறுமுகம் தோன்றும்
வெஞ்சமரில் அஞ்சலென வேல் தோன்றும் – நெஞ்சில்
ஒருகால் நினைக்கில் இருகாலும் தோன்றும்
முருகாவென் றோதுவோர் முன்.

15. துய்யதோர் மறைகளாறும் துதித்திடற்கரிய செவ்வேள்
செய்ய பேரடிகள் வாழ்க சேவலும் மயிலும் வாழ்க
வெய்ய சூரர் மார்புகண்ட வேற்படை வாழ்க அன்னான்
பொய்யில் சீரடியார் வாழ்க வாழ்கவிப் புவனமெல்லாம்.

16. வீரவேல் தாரைவேல் விண்ணோர் சிறைமீட்ட
தீரவேள் செவ்வெள் திருக்கைவேல் – வாரி
குளித்தவேல் கொற்றவேல் சூரர்மார்பும் குன்றும்
துளைத்த வேல் உண்டே துணை.

17. மூவிரு முகங்கள் போற்றி முகம்பொழி கருணைபோற்றி
ஏவரும் துதிக்க நின்ற ஈராறு தோள்கள் போற்றி
காஞ்சி மாவடி வைகும் செவ்வேள் மலரடி போற்றி யன்னான்
சேவலும் மயிலும் போற்றி திருக்கைவேல் போற்றி போற்றி.

18. அருவமும் உருவமாகி அனாதியாய் பலவாய் ஒன்றாய்
பிரமமாய்நின்ற சோதிப் பிழம்பதோர் மேனியாகக்
கருணைகூர் முகங்களாறும் கரங்கள் பன்னிரண்டுங் கொண்டே
ஒருதிரு முருகன் வந்தாங் உதித்தனன் உலகம் உய்ய.

19. ஆறிரு தடந்தோள் வாழ்க அறுமுகம் வாழ்வ வெற்பைக்
கூறுசெய் தணிவேல் வாழ்க குக்கிடம் வாழ்க செவ்வேள்
ஏறிய மஞ்ஞைவாழ்க யானைதன் அணங்கும் வாழ்க
மாறிலா வள்ளி வாழ்க வாழ்கசீர் அடியாரெல்லாம்.

சிவன் பஜனை

1. சிவசிவ சிவசிவ சிவாயநம ஓம்
அரகர கரகர கராய நமஓம்
ஜெகதீஸ்வராய சிவாய நமஓம்
சர்வேஸ்வராய சிவாய நமஓம்
பரமேஸ்வராய சிவாய நமஓம்
பவவினை தீர்க்கும் சிவாய நமஓம்
அம்பலக் கூத்தா சிவாய நமஓம்
ஆனந்த ரூபா சிவாய நமஓம். (சிவசிவ..)

சிந்தையில் நடமிடும் சிவாய நமஓம்
சிதம்பரரோசா சிவாய நமஓம்
தில்லையில் நடமிடும் சிவாய நமஓம்
திருமறை போற்றிடும் சிவாய நமஓம்
எல்லையில் ஆனந்தா சிவாய நமஓம்
எங்களை ஆளவா சிவாய நமஓம்
சிவகாம சுந்தரி சிவாய நமஓம்
சிறுமையைத் தீர்க்கும் சிவாய நமஓம். (சிவசிவ..)
நர்த்தன சுந்தர சிவாய நமஓம்
நம்பிக்கை மந்திரம் சிவாய நமஓம்
சின்மய ரூபா சிவாய நமஓம்
சிற்சபேசா சிவாய நமஓம்
அன்பர்கள் நேசா சிவாய நமஓம்
ஆண்டருள் செய்யும் சிவாய நமஓம்
அம்பலவாணா சிவாய நமஓம்
அகிலாண்டேஸ்வரா சிவாய நமஓம். (சிவசிவ..)

சுந்தரரூபா சிவாய நமஓம்
சுகுண மனோகர சிவாய நமஓம்
எங்கும் நிறைந்தவா சிவாய நமஓம்
எங்களை ஆளவா சிவாய நமஓம்
மங்களரூபா சிவாய நமஓம்
மக்களைக் காக்கும் சிவாய நமஓம்
சரணம் சரணம் சிவாய நமஓம்
சாந்தியைத் தந்தருள் சிவாய நமஓம்
அபயம் அபயம் சிவாய நமஓம்
அமைதியைத் தந்தருள் சிவாய நமஓம். (சிவசிவ..)

2. நடராஜா ஓம் நடராஜா – அருள்
ஞான சிதம்பர நடராஜா
சுடர் வடிவாம் ஜெய நடராஜா – மா
துரிய நடம்பயில் நடராஜா

கனகசபேசா நடராஜா -சிவ
காமிச மேதா நடராஜா
முனிவரகம் திகள் நடராஜா – ஜகன்
மோகன மாமுக நடராஜா

கங்கா தரசிவ நடராஜா-ஜய
கௌரி மனோகர நடராஜா
பொங்கரவம் புனை நடராஜா-இளம்
பொன்பிறை மின்சடை நடராஜா

சாம்ப சதாசிவ நடராஜா-சிவ
சங்கர சுந்தர நடராஜா
தேன்பத மேந்திய நடராஜா-திரு
தில்லையில் ஆடிய நடராஜா.

3. லிங்கா லிங்கா சிவலிங்கா
சிவசிவ சிவசிவ சிவலிங்கா
அருட்பெரும்ஜோதி சிவலிங்கா
தனிப் பெரும் கருணை சிவலிங்கா

அம்பலக் கூத்தா சிவலிங்கா
அருட்பெரும் ஜோதி சிவலிங்கா
சிவ சிவ சிவ சிவ சிவலிங்கா
சிதம்பரரேசா சிவலிங்கா

அன்பர்கள் நேசா சிவலிங்கா
ஆனந்தக் கூத்தா சிவலிங்கா
சுpவ சிவ சிவ சிவலிங்கா
சுpற்பரரேசா சிவலிங்கா

தில்லையி;ல நடம் செய்யும் சிவலிங்கா
தீஞ்சுவைத் தேனே சிவலிங்கா
சிந்தைகுடி கொண்டவரே சிவலிங்கா
சிம்மய தேவனே சிவலிங்கா

பக்தியுடன் உனைத்துதித்தேன் சிவலிங்கா
பக்கத்தில் வந்திடையா சிவலிங்கா
நாவிற் குடியிருப்பாய் சிவலிங்கா
நல்வாக்குத் தந்திடையா சிவலிங்கா

காட்சிக் கினியவனே சிவலிங்கா
காந்தம்போல் வந்திடையா சிவலிங்கா
சோமசுந்தரா சிவலிங்கா
சோமாஸ்கந்தா சிவலிங்கா

ஆந்தமும் ஆதியும் சிவலிங்கா
ஆகன்றோன் வருக சிவலிங்கா
பொற்புடன் நடம்செய் சிவலிங்கா
புனிதா வருக சிவலிங்கா

சொற்றுணை வேதியன் சிவலிங்கா
சோதியுட் கலந்தான் சிவலிங்கா
ஈர்த்தெனை ஆண்டான் சிவலிங்கா
காத்தெமை ஆண்டான் சிவலிங்கா

சிவபுராணம்;

தொல்லையிரும் பிறவிச் சூழுந் தளைநீக்கி
அல்லலறுத் தானந்த மாக்கியதே – எல்லை
மருவா நெறியளிக்கும் வாதவூரெங்கோன்
திருவாசகம் என்னும் தேன்.

நமச்சிவாய வாழ்க நாதன்தாள் வாழ்க
இமைப்பொழுதும் என்னெஞ்சில் நீங்காதான் தாழ் வாழ்க
கோகழி யாண்ட குருமணிதன் தாள்வாழ்க
ஆகமம் ஆகினின் றண்ணிப்பான் தாள்வாழ்க
ஏகன் அநேகன் இறைவனடி வாழ்க
வேகங் கெடுத்தாண்ட வேந்தனடி வெல்க
புpறப்பறுக்கும் பெஞ்ஞகன்றன் பெய்கழல்கள் வாழ்க
புறத்தார்க்குச் சேயோன்றன் பூங்கழல்கள் வாழ்க
கரங்குவிவார் உண்மகிழுங் கோன்கழல்கள் வெல்க
சிரங்குவிவார் ஓங்குவிக்கும் சீரோன் கழல்வெல்க
ஈசனடிபோற்றி எந்தையடி போற்றி
தேசனடி போற்றி சிவன்சேவடி போற்றி
நேயத்தே நின்ற நிமலனடி போற்றி
மாயப் பிறப்பறுக்கும் மன்னனடி போற்றி
சீரார் பெருந்துறைநம் தேவனடி போற்றி
ஆராத வின்பம் அருளுமலை போற்றி
சிவனவனென் சிந்தையுள் நின்ற அதனால்
அவனருளாலே அவன்தாள் வணங்கி
சிந்தை மகிழச் சிவபுராணம் தன்னை
முந்தை வினைமுழுதும் ஓய உரைப்பன்யான்
கண்ணுதலாம் தன்கருணைக் கண்காட்ட வந்தெய்தி
எண்ணுதற்கெட்டா எழிலார் கழலிறைஞ்சி
விண்ணிறைந்து மண்ணிறைந்து மிக்காய் விளங்கொளியாய்
எண்ணிறந் தெல்லை யிலாதானே நின்பெருஞ்சீர்
பொல்லா வினையேன் புகழுமா றொன்றறியேன்
புல்லாகிப் பூடாய்ப் புழவாய் மரமாகிப்
பல்மிருக மாகிப் பறவையாய்ப் பாம்பாகி
கல்லாய் மனிதராய்ப் பேயாய்க் கணங்களாய்
வல்லசுரராகி முனிவராய்த் தேவராய்
செல்லா நின்றஇத் தாவர சங்கமத்துள்
எல்லாப் பிறப்பும் பிறந்திளைத்தேன் எம்பெருமான்
மெய்யேயுன் பொன்னடிகள் கண்டுண்டு வீடுற்றேன்
உய்யவென் உள்ளத்துள் ஓங்காரமாய் நின்ற
மெய்யா விமலா விடைப்பாகா வேதங்கள்
ஐயாவெனவோங்கி ஆழ்ந்தகன்ற நுண்ணியனே
வெய்யாய் தணியாய் இயமான நான்விமலா
பொய்யாயின வெல்லாம் போயகல வந்தருளி
மெய்ஞானமாகி மிளிர்கின்ற மெய்ச்சுடரே
எஞ்ஞான மில்லாதேன் இன்பப் பெருமானே
அஞ்ஞானம் தன்னை அகல்விக்கும் நல்லறிவே
ஆக்கம் அளவுறுதி இல்லாய் அனைத்துலகும்
ஆக்குவாய் காப்பாய் அளிப்பாய் அருள் தருவாய்
போக்குவான் என்னைப் புகழ்விப்பாய் நின்தொழும்பின்
நாற்றத்தின் நேரியாய் சேயாய் நணியானே
மாற்றம் மனங்கழிய நின்ற மறையோனே
கறந்தபால் கன்னலொடு நெய்கலந்தாற் போல
சிறந்தடியார் சிந்தனையும் தேனூறி நின்று
பிறந்த பிறப்பறுக்கும் எங்கள் பெருமான்
நிறங்களேப ரைந்துடையாய் விண்ணோர்கள் ஏத்த
மறைந்திருந்தாய் எம்பெருமான் வல்வினையேன் தன்னை
மறைந்திட ழூடிய மாயஇருளை
அறம்பாவ மென்னும் அருங்கயிற்றாற் கட்டி
புறந்தோல் போர்த்தெங்கும் புழஅழுக்கு ழூடி
மலஞ்சோரு மொன்பது வாயிற் குடிலை
மலங்கப் புலனைந்தும் வஞ்சனையைச் செய்ய
விலங்கு மனத்தால் விமலா உனக்கு
கலந்த அன்பாகிக் கசிந்துள் உருகும்
நலந்தான் இலாத சிறியேற்கு நல்கி
நிலந்தன்மேல் வந்தருளி நீள்கழல்கள் காட்டி
நாயிற் கடையாய்க் கிடந்த அடியேற்குத்
தாயிற் சிறந்த தயாவபன தத்துவனே
மாசற்ற சோதி மலர்ந்த மலர்ச் சுடரே
தேசனே தேனார் அமுதே சிவபுரனே
பாசமாம் பற்றறுத்துப் பாரிக்கும் ஆரியனே
நேச அருள் புரிந்து நெஞ்சில் வஞ்சங் கெடப்
பேராது நின்ற பெருஞ் கருணைப் பேராறே
ஆராவமுதே அளவிலாப் பெம்மானே
ஓராதாருள்ளத் தொளிக்கும் ஒளியானே
நீராய் உருக்கியென் ஆரயிராய் நின்றானே
இன்பமும் துன்பமும் இல்லானே உள்ளானே
அன்பருக் கன்பனே யாவையுமாம் அல்லையுமாம்
சோதியனே துன்னிருளே தோன்றாப் பெருமையனே
ஆதியனே அந்தம் நடுவாகி அல்லானே
ஈர்த்தென்னை ஆட்கொண்ட எந்தை பெருமானே
கூர்த்த மெஞ்ஞானத்தாற் கொண்டுணர்வார் தங்கருத்தின்
நோக்கரிய நோக்கே நுணக்கரிய நுண்ணுணர்வே
போக்கும் வரவும் புணர்வுமிலாப் புண்ணியனே
காக்குமெங் காவலனே காண்பரிய பேரோளியே
ஆற்றின்ப வெள்ளமே அத்தாமிக்காய் நின்ற
தோற்றச் சடரொளியாய்ச் சொல்லாத நுண்ணுணர்வாய்
மாற்றமாம் வையகத்தின் வௌ;வேறே வந்தறிவாம்
தேற்றனே தேற்றத் தெளிவே என் சிந்தனையுள்
ஊற்றான உண்ணார் அமுதே உடையானே
வேற்றுவிகார விடக்குடம்பி னுட்கிடப்ப
ஆற்றேனெம் ஐயா அரனேயோ வென்றென்று
போற்றிப் புகழ்ந்திருந்து பொய்கெட்டு மெய்யானார்
மீட்டிங்கு வந்து வினைப்பிறவி சாராமே
கள்ளப் புலக்குரம்பைக் கட்டளிக்க வல்லானே
நள்ளிருளில் நட்டம் பயின்றாடும் நாதனே
தில்லையுட் கூத்தனே தென்பாண்டி நாட்டானே
அல்லற் பிறவி அறுப்பானே யோவென்று
சொல்லற் கரியானைச் செர்ல்லித் திருவடிக்கீழ்
சொல்லிய பாட்டின் பொருளுணர்ந்து சொல்லுவார்
செல்வர் சிவபுரத்தி னுள்ளார் சிவனடிக்கீழ்ப்
பல்லோரும் ஏத்தற் பணிந்து.

சக்தி பஜனை

ஓம் ஜெய ஜெய சக்தி
ஓம் ஸ்ரீ ஜெய ஜெய ஜெய சக்தி
ஜெய ஜெய அனுதினம் பாடிப் பணிந்தோம்
ஜெகமெங்கும் அமைதஜயைத் தா – ஓம்….

திருப்தியும் இன்பமும் வாழ்வில் துலங்கத்
தேவையெல்லாம் அடைய
அம்மம்மா தேவையெல்லாம் அடைய
பக்தி பெருகிடப் பாடியுருகிட
பணிப்பாய் அன்பிலெம்மை – ஓம்….

இரண்டுகள் போக மூன்றுகள் அகல
ஈஸ்வரி வரம் அருள்வாய்
அம்மம்மா ஈஸ்வரி வரம் அருள்வாய்
கரங்குவித்தோம் இனிக் காலை விடோமடி
கருணையுடன் அணைப்பாய் – ஓம்…

காசின் எங்கும் வேற்றுமைபோக
கருத்தினுள் அன்பருள்வாய்
அம்மம்மா கருத்தினுள் அன்பருள்வாய்
தேசுடன் வாழவழி காட்டிடுவாய் ரஸ
தேவியுடன் ததிப்போம். – ஓம்….

நமஸ்காரம் கூறிக் கருத்தினில் ஞான
நல்லொளி தீபம்வைத்து
ஞான நல்லொளி தீபம்வைத்து
நமஸ்காரம் செய்து ஆரத்திசெய்தோம்
ஞாலத்திற் கமைதியைத் தா – ஓம் ….

ஓம் சக்தி ஓம் ஓம் சக்தி ஓம்
ஓம் சக்தி ஓம் ஓம் சக்தி ஓம்
ஓம் சக்தி ஓம் ஓம் சக்தி ஓம்
ஓம் சக்தி ஓம் ஓம் சக்தி ஓம்

சுந்தரவதனி சுகுண மனோகரி
மந்தகாசமுக மதிவதனி
சந்தன குங்கும அலங்கார முடனே
தந்திடுவா யுந்தன் தரிசனமே
நந்தி தேவருடன் முனிவரும் பணிய
ஆனந்தமுடனே வந்திடுவாய்
வுந்தனைசெய்துமு மாயன் அயனுடன்
வகையாய் உன்புகழ் பாடிடவே

தங்கச் சிலம்பு சலசலவென்றிட
தாண்டவமாடித் தனயன் மகிழ்ந்திட
பொங்கு மானந்தமுடன் புவிமேல் விளங்கும்
மங்கள நாயகி மகிழ்வாய் வருவாய்
வேதங்கள் உன்னை வேண்டிப் பாடிட
வுpரும்பிச் சரஸ்வதி வீணை வாசித்திட
ஸதானந்தமான சோதிஸ்வரூபி
ராஜ ராஜேஸ்வரி சரணம் சரணம்

கற்பூரநாயகியே சரணம் சரணம்
காளி மகமாயி கருமாரியம்மா
பொற்கோயில் கொண்ட சிவகாமியம்மா
பூவிருந்த வல்லி சிவகாமியம்மா
விற்கோல வேதவல்லி விசாலாட்சி
விழிக்கோல மாமதுரை மீனாட்சி
சொற்கோயில் நானமைத்தேன் இங்குதாயே
சுடராக வாழ்விப்பாய் என்னை நீயே

கண்ணிரண்டும் உன்னுருவே காணவேண்டும்
காலிரண்டும் உன்னடியே நாடவேண்டும்
பண்ணமைக்கும் நாவுனையே பாடவேண்டும்
பக்திகொடு கையுனையே கூடவேண்டும்
எண்ணமெல்லாம் உன்னினைவே ஆகவேண்டும்
இருப்பதெல்லாம் உன்னுடைய தாகவேண்டும்.

காற்றாகிக் கனலாகிக் கடலாகினாய்
கயிராகி உயிராகி உடலாகினாய்
நேற்றாகி இன்றாகி நாளாகினாய்
நிலமாகிப் பயிராகி உணவாகினாய்
தோற்றாலும் ஜெயித்தாலும் வாழ்வாகினாய்
தொழுதாலும் அழுதாலும் வடிவாகினாய்
போற்றாத நாளில்லாத் தாயேயுன்னை
பொருளோடும் புகழோடும் வைப்பாய் என்னை.

பூரணி புராதனி சுமங்கலை சுதந்தரி
புராந்தகித் திரியம்பகி எழிற்
புங்கவி விளங்கு சிவ சங்கரி சகஸ்ரதள
புட்பமிசை வீற்றிருக்கும்
நாரணி மனாதீத நாயகி குணாதீத
நாதாந்த சக்தி யென்றுன்
நாமமே உச்சரித் திடுமடியர் நாமமே
நானுச்சரிக்க வசமோ
ஆரணி சடைக்கடவுள் ஆரணியெனப் புகழ
ஆகிலாண்ட கோடியீன்ற
அன்னையே பின்னையுங் கன்னியென மறைபேசும்
ஆனந்த ரூப மயிலே
வரைராயனுக் கிருகண் மணியாயுதித்த மலை
வுளர் காதலிப் பெண் உமையே.க்

துக்க நிவாரண அஷ்டகம்

மங்கள ரூபிணி மதி அணி சூலினி மன்மத பாணியளே
சங்கடம் நீங்கிடச் சடுதியில் வந்திடும் சங்கரி சௌந்தரியே
கங்கண பாணியன் களிமுகம் கொண்டநல் கற்பகக் காமினியே
ஜெயஜெய சங்கரி கௌரி கிருபாகரி துக்க நிவாரணி காமாஷி.

கான் உறுமலர் எனக் கதிர் ஒளிகாட்டிக் காத்திட வந்திடுவாள்
தான் உறு தவஒளி தார்ஒளி மதிஒளி தாங்கியே வீசிடுவாள்
மான் ஊறு லிழியாள் மாதலர் மொழியாள் மாலைகள் சூடிடுவாள்
ஜெய ஜெய சங்கரி கௌரி கிருபாகரி துக்க நிவாரணி காமாஷி.

சங்கரி சங்கரி சதுர் முகன் போற்றிடச் சபையினில் வந்தவளே
பொங்கு அரிமாவினில் பொன்னடி வைத்துப் பொருந்திட வந்தவளே
எம்குலம் தழைத்திட எழில்வடிவுடனே எழுந்தநல் துர்க்கையளே
ஜெய ஜெய சங்கரி கௌரி கிருபாகரி துக்க நிவாரணி காமாஷி.

தணதண தந்தண தவில் ஒளி முழங்கிடத் தண்மணி நீ வருவாய்
கணகண கங்கண கதிர்ஒளி வீசிடக் கண்மணி நீ வருவாய்
பணபண பம்பண பறையொலி கூலிடப் பணிமணி நீ வருவாய்
ஜெய ஜெய சங்கரி கௌரி கிருபாகரி துக்க நிவாரணி காமாஷி

பஞ்சமி பைரவி பர்வத புத்திரி பஞ்சநல் பாணியளே
கொஞ்சிடும் குமரனைக் குணம்மிகு வேளனைக் கொடுத்த நல்குமரியளே
சங்கடம் தீர்த்திடச் சமர் அது செய்தநல் சக்தி எனும் மாயே
ஜெய ஜெய சங்கரி கௌரி கிருபாகரி துக்க நிவாரணி காமாஷி.

எண்ணியபடி நீ அருயிட வருவாய் எம்குல தேவியளே
பண்ணிய செயலின் பலனது நலமாய்ப் பல்கிட அருளிடுவாய்
கண்ணொளி அதனால் கருணையே காட்டிக் கவலைகள் தீர்ப்பவளே
ஜெய ஜெய சங்கரி கௌரி கிருபாகரி துக்க நிவாரணி காமாஷி

இடர்தரு தொல்லை இனிமேல் இல்லை என்று நீ சொல்லிடுவாய்
சுடர்தரு அமுதே சுருதிகள் கூறிச் சுகமது தந்திடுபாய்
படர்தரு இருளில் பரிதியாய் வந்து பழவினை ஓட்டிடுவாய்
ஜெய ஜெய சங்கரி கௌரி கிருபாகரி துக்க நிவாரணி காமாஷ.

ஜெயஜெய பாலா சாமுண்டேஸ்வரி ஜெய ஜெய ஸ்ரீ தேவி
ஜெய ஜெய துர்க்கா ஸ்ரீ பரமேஸ்வரி ஜெய ஜெயஸ்ரீதேவி
ஜெயஜெய ஜெயந்தி மங்கள காளி ஜெய ஜெயஸ்ரீதேவி
ஜெய ஜெய சங்கரி கௌரி கிருபாகரி துக்க நிவாரணி காமாஷி